Пандемияда бюджет маблағларини тежаш мақсадида, Қозоғистон давлат идоралари учун автомобиллар ва мебелларни сотиб олишга уч йиллик чеклов киритди. Бу ҳақда Қозоғистон Молия вазирлигининг Facebook’даги саҳифасида маълум қилинди.
Қарорнинг мақсади 2023 йилгача бюджетни оптималлаштириш ҳисобланди. 2020 йилда 532,8 миллиард тенге маблағни тежаб, COVID-19 билан курашишга, бизнес ва фуқароларни қўллаб-қувватлашга йўналтирилади.
Бундан ташқари, Қозоғистон Молия вазирлиги бюджет маблағларидан самарасиз ва асоссиз фойдаланиш хавфини аниқлаш учун фавқулодда ҳолат даврида махсус тартиб-қоидалар бўйича амалга ошириладиган давлат харидлари тартиб-қоидаларини назорат қилади.Бизнесга кредиторлар томонидан босим ўтказилмаслиги учун судга юридик шахслар ва якка тартибдаги тадбиркорларнинг давлат идоралари ва давлат субъектлари сифатида банкротлигини эълон қилиш тўғрисидаги аризаларни беришни тақиқлайдиган тегишли ўзгартиришлар киритилди.
Изоҳ (0)