Боливия прокуратураси собиқ президент Эво Моралесга расмий равишда терроризмда айблади, дея хабар берди «РБК». Прокуратура, шунингдек, сиёсатчининг ҳибсга олинишини талаб қилди.
Прокуратура маълумотларига кўра, собиқ президент 2019 йил ноябрь ойидаги норозилик намойишлари пайтида озиқ-овқат блокадаси ва шаҳарларни қамал қилишда айбланмоқда.
Собиқ президент прокуратуранинг ҳаракатлари ноқонуний ва конституцияга зид эканлигини айтди.
Прокуратура собиқ президентга тегишли телефон суҳбатининг ёзувини эълон қилди ва уни ҳақиқийлигига кафолат берди.Ёзиб олинган суҳбат давомида Моралес ҳокимиятни обрўсизлантириш учун йирик шаҳарларни блокировка қилишни муҳокама қилган.
Маълумот учун, Боливиядаги вазият 2019 йил октябрь ойида президент сайловларида Моралес ғолиб бўлганидан кейин кескинлашди. Мамлакатда ҳукуматга қарши норозилик намойишлари бошланди.
Намойиш иштирокчилари Моралесни сайлов натижаларини қалбакилаштиришда айблади. Ҳарбийлар ва намойишчилар босими остида собиқ президент истеъфога чиқди ва мамлакатни тарк этди.
Аввалроқ Эво Моралес истеъфога чиқишига АҚШ фитнасини сабаб сифатида кўрсатган эди.
Изоҳ (0)