Boliviya sobiq prezidenti Morales prezidentlik davridagi eng katta xatosini aytdi
Boliviya sobiq prezidenti Morales yangi muddatga saylanishini o‘zining 14 yillik prezidentlik davridagi eng katta xato deb atadi, deb yozmoqda “Kommersant”. Bir necha yil avval uzoq davom etgan noroziliklardan so‘ng Morales prezidentlik lavozimini tark etgan edi.
“Mening xatoyim yana prezidentlikka saylanishim edi. Ammo bu xalqning qarori edi va men Konstitutsiyaga muvofiq o‘z nomzodimni to‘rtinchi muddatga ilgari surish taklifini qabul qildim”, — degan u Germaniyaning Zeit gazetasiga bergan intervyusida. Hozirda Morales Argentinada bo‘lib, u yerda qochqin maqomini oldi.
Uning so‘zlariga ko‘ra to‘rtinchi marta prezidentlikka nomzod bo‘lish taklifidan bosh tortishi kerak edi, ammo u birinchi turdayoq g‘olib bo‘ldi. Boliviya qonunchiligiga muvofiq saylovlarning ikkinchi turida ishtirok etmaslik uchun nomzodlardan biri 10 foiz ustun bo‘lishi lozim. Janob Morales esa 10,13 foiz farq bilan g‘alaba qozongan.
Eslatib o‘tamiz, 2019-yilning 20-oktabrida prezidentlik saylovlari o‘tkazilgan bo‘lib, unda Evo Morales Karlos Mesni ortda qoldirib g‘olib bo‘lgan edi. Karlos Mes uning g‘alabasini tan olmay, ovozlar soxtalashtirilgan deb aytgan.
Mavzuga doir: Evo Moralesning raqibi Boliviya yetakchisi prezidentlik saylovlarida qatnashmasligi kerakligini bildirdi
