Disney Weddings агентлиги, Allure Bridals келин либослари салони билан ҳамкорликда Disney Princess либослар коллекциясини тақдим этди. Бу ҳақда Elite daily нашри хабар берди.

Фото: Elite daily

Таъкидланишича, коллекция Disney мультфильмларидаги маликалар — Белль, Жасмин, Ариэль, Покахонтас, Рапунцель, Тиана, Оппоғой, Аврора ва Синдрелла образларидан илҳомланиб яратилган.

Фото: Elite daily

Cindrella либоси шу номли мультфильмнинг 70 йиллиги муносабати билан яратилган бўлиб, маликанинг биллур пойабзалини ёдга солувчи 4600 дан зиёд кристаллар билан безатилган.

Фото: Elite daily

Коллекциядан классик қироллик либосларидан тортиб, қоматни акс эттирадиган турли бичимдаги 16 бежирим либос ўрин олган. Ҳар бир либос турли узунликдаги шлейф, марварид ва бисерлар, тош ва нақшлар билан безатилган.

Фото: Elite daily

«Дизайнерлардан иборат жамоамиз ҳар бир либос устида тинимсиз ишлади. Тўпламдаги либослар Allure ва келинлар учун севимли ҳамда таниқли бўлган ва маликалар либосидан илҳомланиб яратилган. Disney билан ҳамкорлик қилиш, эртакларнинг реалликка айланишини кузатиш биз учун шараф », — дейди Allure Bridals раҳбари Келли Крам.

Фото: Elite daily

Узоқ кутилган либослар тўплами икки қисмдан иборат. Биринчи асосий The Disney Fairy Tale Weddings коллекциясидан 9 либос ўрин олган бўлиб, ундаги бошланғич нарх 1200 долларни ташкил қилади. The Disney Fairy Tale Weddings Platinum коллекциясидаги либослар нархи эса 3500 доллардан бошланиб, фақатгина Kleinfeld Bridal дўконларининг Нью-Йорк ва Торонто филиалларида сотувга қўйилади.

Фото: Elite daily

Фото: Elite daily

Фото: Elite daily

Фото: Elite daily