Ортда қолган бир сутка давомида Россияда коронавирус инфекциясини юқтириб олиш билан боғлиқ 6736 та янги ҳолат аниқланди, дея хабар қилган коронавирусга қарши федерал тезкор штаб. Бир кун аввал 6632 та ҳолат қайд этилган.
5 июль ҳолатига кўра, Россияда эпидемия бошланганидан бери жами 681 251 киши COVID-19 юқтириб олган.
Бир сутка ичида энг кўп касалланиш ҳолатлари Москва шаҳри (+650), Москва вилояти (+287), Санкт-Петербург (+275) ва Ханти-Мансийскда (+272) кузатилган.
Ортда қолган бир сутка давомида 134 нафар одам коронавирус инфекцияси асоратлари оқибатида ҳаётдан кўз юмган. Мамлакатда касаллик тарқала бошлаганидан бери вафот этган беморлар сони 10 161 нафарга етган.
Ўтган вақт давомида жами 450 750 нафар одам касалликдан соғайган. Охирги бир сутка давомида улар сафига 3871 киши қўшилган.
Бир суткада 317 мингта тест амалга оширилган, эпидемия бошланганидан бери Россияда жами 21 миллиондан зиёд лаборатор тадқиқотлар амалга оширилган, дейилади «Роспотребнадзор» хабарида.
3 июлда Россияда коронавирусга чалиниш бўйича 6718 та янги ҳолат қайд этилгани ва касалланганлар сони 667 883 нафарга етгани, 1 июлда эса 6556 кишида коронавирус аниқланиб, мамлакатда умумий ҳисобда 654 405 киши коронавирусга чалингани хабар қилинганди.
Изоҳ (0)