Жаҳон соғлиқни сақлаш ташкилоти 4 июль куни бутун дунёда коронавирус билан касалланишнинг янги рекорд кўрсаткичини қайд этди, деб хабар беради Tengrinews.
Ташкилот ҳисоб-китобларига кўра, ўтган бир сутка ичида дунёда COVID-19 билан касалланганлар сони 212 326 кишига ортган. Янги касалланиш ҳолатларининг аксарияти АҚШ, Бразилия ва Ҳиндистонда қайд этилган.
Бундан олдинги суткалик антирекорд 28 июнь куни қайд этилганди. Ўшанда дунёда бир сутка ичида расман 189 мингдан ортиқ одам коронавирусга чалинган эди.
Ҳозирда коронавирус оқибатида вафот этаётганлар сони кунига салкам 5 минг кишини ташкил этмоқда.
Аввалроқ АҚШда бир кунда 57,5 минг кишида коронавирус аниқланиб, суткалик рекорд янгилангани тўғрисида хабар берилганди.
Мавзуга доир:«ЖССТ пандемиянинг иккинчи тўлқини ҳақида огоҳлантирди: «Худди 100 йил аввалгидек бўлади»
Изоҳ (0)