Ortda qolgan bir sutka davomida Rossiyada koronavirus infeksiyasini yuqtirib olish bilan bog‘liq 6736 ta yangi holat aniqlandi, deya xabar qilgan koronavirusga qarshi federal tezkor shtab. Bir kun avval 6632 ta holat qayd etilgan.
5-iyul holatiga ko‘ra, Rossiyada epidemiya boshlanganidan beri jami 681 251 kishi COVID-19 yuqtirib olgan.
Bir sutka ichida eng ko‘p kasallanish holatlari Moskva shahri (+650), Moskva viloyati (+287), Sankt-Peterburg (+275) va Xanti-Mansiyskda (+272) kuzatilgan.
Ortda qolgan bir sutka davomida 134 nafar odam koronavirus infeksiyasi asoratlari oqibatida hayotdan ko‘z yumgan. Mamlakatda kasallik tarqala boshlaganidan beri vafot etgan bemorlar soni 10 161 nafarga yetgan.
O‘tgan vaqt davomida jami 450 750 nafar odam kasallikdan sog‘aygan. Oxirgi bir sutka davomida ular safiga 3871 kishi qo‘shilgan.
Bir sutkada 317 mingta test amalga oshirilgan, epidemiya boshlanganidan beri Rossiyada jami 21 milliondan ziyod laborator tadqiqotlar amalga oshirilgan, deyiladi “Rospotrebnadzor” xabarida.
3-iyulda Rossiyada koronavirusga chalinish bo‘yicha 6718 ta yangi holat qayd etilgani va kasallanganlar soni 667 883 nafarga yetgani, 1-iyulda esa 6556 kishida koronavirus aniqlanib, mamlakatda umumiy hisobda 654 405 kishi koronavirusga chalingani xabar qilingandi.
Izoh (0)