Футбол бўйича Ўзбекистон Суперлигасининг 7-туридан ўрин олган «Бухоро» — «Металлург» учрашувидан (1:4) сўнг ҳар икки жамоа мураббийлари иштирокида матбуот анжумани ўтказилди.
Аввалига бекободликлар бош мураббийи Андрей Шипилов ўйин ҳақидаги фикрлари билан ўртоқлашди.
«Доим ўз жамоамдан ва мураббийлар штабидан ҳар бир ўйинга, рақиб мусобақа жадвалида қандай ўриндалигидан қатъи назар максимал тарзда ишлашни талаб қиламан. Бугун бутун штаб ва жамоам илк дақиқадан охиригача бор кучи билан ўйнади. Узоқ йўл босиб келдик, об-ҳаво ҳам иссиқ. Футболчилардан максимал ёндашув сўраяпмиз. Шундагина натижага эриша оламиз. Бошқа йўл йўқ.
Бугун футболчилар майдонга тушишди ва ўз ишини қилди, натижага эришдик. Энди кейинги ўйинга тайёргарликни бошлаш керак, шундай тарзда бутун мавсум давомида ишлаш керак. Мана шунда жамоа ривожланади», — дейди Шипилов.
Матбуот анжуманининг иккинчи қисмида мезбонлар устози Муҳсин Муҳаммадиев қатнашди.
«Бундай йирик ҳисобда мағлубиятга учраш жуда ҳам аламли. Агар биринчи бўлимда ўйинимиз футболга ўхшаган бўлса-да, иккинчи бўлимда пенальтидан гол ўтказиб юборганимиздан кейин жамоамиз бутунлай парчаланиб кетди. Афсуски шундай бўлиб туради, барча масъулиятни ўз бўйнимга оламан. Ҳисоб ўйинга мос эмас. Пенальтидан гол ўтказганимиздан кейин ўйинни ташлаб қўйдик ва олдинга қараб югурдик. Такрорлайман натижага бош мураббий айбдор», — дейди мутахассис.
Мазкур ўйиндан сўнг «Металлург» 13 очко билан 5-ўринга кўтарилган бўлса, «Бухоро» (2) 13-поғонада бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)