Марко Мантованелли 1 июлдан Жаҳон банкининг Ўзбекистондаги ваколатхонасининг раҳбари этиб тайинланди, дея хабар беради ташкилот матбуот хизматига таяниб, «Gazeta.uz».
Марко Мантованелли аввал Жаҳон банкининг Косово ва Шимолий Македониядаги ваколатхоналари раҳбари сифатида ишлаган.
Жаҳон банкида фаолият бошлашдан олдин у Европа ва АҚШда маслаҳат фаолияти ва иқтисодий тадқиқотлар билан шуғулланган. Шунингдек, Италия денгиз флоти офицери сифатида ҳам хизмат қилган.
У 1990 йилларнинг ўрталаридан Жаҳон банкида иш фаолиятини бошлаган. Фаолияти давомида у ташкилотнинг Вашингтондаги бош қароргоҳида, Лотин Америкаси ва Болқон ярим оролидаги идораларида турли лавозимларни эгаллаган.
Марко Мантованелли Болония университетининг (Италия) халқаро муносабатлар ва сиёсатшунослик магистри, шунингдек, Жонс Ҳопкинс номидаги университетнинг Халқаро илғор тадқиқотлар мактабининг халқаро иқтисодий магистрлик даражасига эга.
Эслатиб ўтамиз, Жаҳон банкининг Ўзбекистондаги ваколатхонасининг аввалги раҳбари Хидеки Мори эди.
Изоҳ (0)