2020 йил 1 июль куни Ўзбекистон Республикаси ташқи ишлар вазири Абдулазиз Комилов Ҳиндистон Республикасининг мамлакатимиздаги дипломатик миссиясини якунлаётган фавқулодда ва мухтор элчиси Сантош Жа билан видеоконференция шаклида учрашув ўтказди, дея хабар беради Ташқи ишлар вазирлиги.
Суҳбат чоғида сиёсий, савдо-иқтисодий ва маданий-гуманитар соҳалардаги икки томонлама муносабатларнинг ҳолати ва уларни ривожлантириш истиқболлари кўриб чиқилди. Коронавирус пандемияси шароитида тегишли вазирлик ва идоралар барча замонавий алоқа воситаларидан фойдаланган ҳолда ҳамкорликни давом эттиргани қайд этилди.
Мавзуга доир: Ҳиндистон Ўзбекистонга COVID-19’га қарши курашда фойдаланиш учун тиббиёт воситаларини тақдим қилди
Суҳбат сўнгида Абдулазиз Комилов Сантош Жага икки мамлакат ўртасидаги ҳамкорликни ривожлантириш ва мустаҳкамлашга қўшган шахсий ҳиссаси учун миннатдорчилик билдирди. Элчи ҳам Ҳиндистоннинг Ўзбекистондаги дипломатик ваколатхонаси раҳбари сифатидаги фаолияти доимий равишда қўллаб-қувватлангани учун миннатдорлик изҳор этди.
Эслатиб ўтамиз, Ҳиндистон элчиси Сантош Жа Ўзбекистондаги миссиясини 2019 йил сентябрь ойида бошлаган эди.
Изоҳ (0)