Нью-Йорк штатининг Покипси шаҳридаги суд АҚШ президенти Дональд Трампнинг жияни, психолог Мэри Трампнинг «Жуда кўп ва ҳеч қачон етарли эмас» деб номланган китобини нашр этишни вақтинча тақиқлади, деб хабар беради Politico.
Суд президентнинг укаси Роберт Трампнинг даъвосини қондирган. Робертнинг сўзларига кўра, ушбу китоб отаси катта Фред Трамп вафотидан кейин тузилган ўзаро ошкор қилмаслик тўғрисидаги оилавий битимга зид ҳисобланади.
Китоб 28 июль куни чиқарилиши кутилган эди, аммо суд ушбу жараён бўйича якуний қарор қабул қилингунча нашриётга китобни тарқатишни тақиқлади. Суд жараёни қанча вақт олиши номаълум.
Мери Трамп «Жуда кўп ва ҳеч қачон етарли эмас» китобида ўз оиласи ва Дональд Трамп ҳақида ёзган. Нашрнинг веб-сайтидаги изоҳда айтилишича, китобда президентга тегишли «юракни эзадиган ва ахлоқсиз» ҳикоялар мавжуд.Аввалроқ Дональд Трампнинг миллий хавфсизлик масалалари бўйича собиқ маслаҳатчиси Жон Болтон Оқ уйдаги фаолияти ва президент ҳақида китоб ёзгани маълум бўлди. Кейинчалик Болтон бу китоб сотувидан фойда олмаслигини айтган.
Собиқ маслаҳатчининг китобида Трамп президентликка қайта сайланиши учун Хитой раиси Си Цзиньпиндан ёрдам сўрагани, шунингдек, президент Буюк Британияда ядро қуроли борлигини билмагани ҳақида маълумотлар бор.
АҚШ давлат котиби Майкл Помпео эса Жон Болтоннинг махфий маълумотларни ўз ичига олган китобини нашр этиш тўғрисидаги қарорини қоралаган.
Изоҳ (0)