Қашқадарё вилояти Чироқчи туман ҳудудида жойлашган «Умакай» мунтазам ЙПХ масканида 29 июнь, душанба куни соат 01:10 атрофида Қашқадарё—Тошкент йўналишида ҳаракатланиб келаётган машина тўхтатилади. Текширув мобайнида машинада гўшт маҳсулоти олиб кетилаётгани аниқланди. Бу ҳақда Қашқадарё вилояти Ички ишлар бошқармаси хабар бермоқда.
Қашқадарё вилояти ИИБ ППХ ва ЖЦБ (Жиноят тергов-суриштирув бўлими) Карантин бўлинмаси ва ЙХҲБ ходимлари ҳамкорлигида амалга оширилган тадбир давомида Чироқчи тумани «Чувиллоқ» қишлоғида яшовчи М.Э. бошқарувида бўлган 01 L 417 UА давлат белгиси остида ҳаракатланиб келаётган Nexia автомашинаси текширилган.
Ҳеч қандай ветеринария маълумотномаларисиз, келиб чиқиши номаълум бўлган 35 та қоғоз «каробка»да суяксиз ҳамда очиқ ҳолатда автомашина юкхонасига жойланган суякли гўшт маҳсулотлари аниқланади.
Шундан сўнг гўшт маҳсулотларидан Қашқадарё вилояти Чироқчи туман озиқ-овқат маҳсулотлари хавфсизлиги микробиология ва ветеринария-санитария экспертиза лабораторияси томонидан намуналар олинади.
Мазвуга доир: Ўзбекистондаги қайси деҳқон бозорларида гўшт энг арзон нархда сотилаётгани маълум қилинди
30 июнь, сешанба куни туман экспертиза лабораториясининг хулосасига асосан, жами 800 кг оғирликдаги қора мол гўшти истеъмолга яроқсиз деб топилган. Ушбу яроқсиз гўшт маҳсулотлари тегишлича йўқ қилинган.
Изоҳ (0)