Тошкентдаги учта тиббиёт муассасасида 55 нафар бемор коронавирусдан тузалиб, 1 июль куни ўз уйига кузатилди, деб хабар бермоқда ССВ матбуот хизмати.
Эпидемиология, микробиология ва юқумли касалликлар илмий-текшириш институти клиникасида 1 нафар, Тошкент тиббиёт академиясининг кўп тармоқли клиникасида 1 нафар, шаҳар 1-сон клиник шифохонасида 53 нафар, жами 55 нафар коронавирус инфекциясига чалинган бемор соғайган.
Шундай қилиб, айни пайтгача Тошкент шаҳри ва вилоятида коронавирус инфекциясидан жами 3424 нафар бемор соғайди.
Ҳозирда Ўзбекистон бўйлаб соғайганлар сони 5737 нафарни ташкил этмоқда.
Эслатиб ўтамиз, мамлакатда 1 июль соат 10:00 ҳолатига кўра, коронавирус инфекцияси қайд этилганлар сони 124 кишига кўпайиб, касалланганларнинг умумий сони 8627 нафарга етди. Инфекция асоратлари оқибатида 25 нафар бемор вафот этган.
Изоҳ (0)