Сирдарёда Сардоба фожиасидан зарар кўрган уйларни таъмирлаш ишлари 76 фоизга бажарилди. Бу ҳақда Қурилиш вазирлиги матбуот котиби Жамолиддин Қаландаров 1 июль куни АОКА ҳузуридаги штабда бўлиб ўтган брифингда маълум қилди.
Унинг айтишича, «Ягона буюртмачи хизмати» инжиниринг компаниялари томонидан 1814 та уй-жой таъмирланишда давом этмоқда. Ҳозирда 70 та уйда (76 фоиз) таъмирлаш ишлари якунига етган.
Мавзуга доир: Сардоба ва Мирзаободда қурилаётган 6 та кўп қаватли уй учун ҳозиргача қанча маблағ ажратилгани маълум қилинди
Сардоба туманида 73 та яроқсиз, бузиладиган уйлардан 63 тасини бузиб олинди.
Мавзуга доир:
«Бугунги кунда ижтимоий соҳа объектларни қуриш ва таъмирлаш ишларига 18,8 миллиард сўм аванс маблағлари молиялаштирилди, шундан умумтаълим мактаблари бўйича 15,4 миллиард сўм, соғлиқни сақлаш муассасалари бўйича 2,2 миллиард сўм ва қолганлари бўйича 1,2 миллион сўм йўналтирилди.
Олиб борилган доимий назорат ишлари натижасида шу вақтгача 1814 та уй-жойда 2180 та камчилик аниқланган бўлиб, уларни бартараф этиш бўйича «Ягона буюртмачи хизмати» инжиниринг компанияларига 148 та ёзма маълумотлар берилган», — деб таъкидлаган Жамолиддин Қаландаров.
Аввалроқ Қурилиш вазирлиги Сардоба фалокати оқибатида аввал эълон қилинганидан кўра кўпроқ уйга зарар етганини маълум қилганди.
Эслатиб ўтамиз, 15 май куни Президент Шавкат Мирзиёев сардобаликлар билан учрашувда сув тошқини оқибатида зарар кўрган уйлар давлат томонидан бепул таъмирлаб берилишини, уйлари зарарланган одамларнинг илгариги ҳовлилари ҳам ўзларида қолишини маълум қилган эди. Бундан ташқари, шу куни сув тошқинидан жабр кўрган 4,5 мингдан ортиқ хонадон эгаларига 40 миллион сўмлик моддий ёрдам сертификати, маиший техника тўплами учун сертификат ва ичида пул маблағи бўлган банк карточкалари тарқатилиши маълум қилинди.
Изоҳ (0)