Qashqadaryo viloyati Chiroqchi tuman hududida joylashgan “Umakay” muntazam YPX maskanida 29-iyun, dushanba kuni soat 01:10 atrofida Qashqadaryo—Toshkent yo‘nalishida harakatlanib kelayotgan mashina to‘xtatiladi. Tekshiruv mobaynida mashinada go‘sht mahsuloti olib ketilayotgani aniqlandi. Bu haqda Qashqadaryo viloyati Ichki ishlar boshqarmasi xabar bermoqda.
Qashqadaryo viloyati IIB PPX va JTSB (Jinoyat tergov-surishtiruv bo‘limi) Karantin bo‘linmasi va YXHB xodimlari hamkorligida amalga oshirilgan tadbir davomida Chiroqchi tumani “Chuvilloq” qishlog‘ida yashovchi M.E. boshqaruvida bo‘lgan 01 L 417 UA davlat belgisi ostida harakatlanib kelayotgan Nexia avtomashinasi tekshirilgan.
Hech qanday veterinariya ma’lumotnomalarisiz, kelib chiqishi noma’lum bo‘lgan 35 ta qog‘oz “karobka”da suyaksiz hamda ochiq holatda avtomashina yukxonasiga joylangan suyakli go‘sht mahsulotlari aniqlanadi.
Shundan so‘ng go‘sht mahsulotlaridan Qashqadaryo viloyati Chiroqchi tuman oziq-ovqat mahsulotlari xavfsizligi mikrobiologiya va veterinariya-sanitariya ekspertiza laboratoriyasi tomonidan namunalar olinadi.
Mazvuga doir: O‘zbekistondagi qaysi dehqon bozorlarida go‘sht eng arzon narxda sotilayotgani ma’lum qilindi
30-iyun, seshanba kuni tuman ekspertiza laboratoriyasining xulosasiga asosan, jami 800 kg og‘irlikdagi qora mol go‘shti iste’molga yaroqsiz deb topilgan. Ushbu yaroqsiz go‘sht mahsulotlari tegishlicha yo‘q qilingan.
Izoh (0)