Италия шимолидаги Во шаҳарчасида коронавирусга чалинганларнинг 40 фоизи касалликни белгисиз ўтказиб юборган. Бу ҳақда Падуи университети ва Лондоннинг Империал коллежи томонидан ўтказилган тадқиқот натижаларида маълум қилинди.
«Тест натижалари ижобий бўлган 40 фоизга яқин беморда касаллик белгилари кузатилмаган», — дейди олимлар.
Инфекцияга чалинган шаҳарнинг барча аҳолиси — белгилик ва белгисизлар — изоляцияланган, бу эса касаллик тарқалишини бир неча ҳафта давомида самарали ушлаб туриб, уни секинлаштиришга хизмат қилган.
Шунингдек, тадқиқот натижаларида кўрсатилишича, вирус бемор организмида ўртача 8 кундан 14 кунгача бўлади. Шундай қилиб, оммавий тестдан ўтказиш ва касалланганларни изоляциялаш эпидемия тарқалишини тезда тўхтатиши мумкинлиги исботланган.
Италияда 21 февраль куни коронавирус оқибатида вафот этиш бўйича биринчи ҳолат қайд этилганидан сўнг, 3,2 минг аҳолиси бор Во шаҳарчасида 14 кунлик қаттиқ карантин жорий этилганди.
Сўнгги маълумотларга кўра, Италияда коронавирус билан касалланганлар сони 240 минг кишидан, вирус қурбонлари сони эса 3,47 минг кишидан ошган.
Изоҳ (0)