Wеаlth-Х халқаро консалтинг компанияси ҳисоботига кўра, дунёда миллиардерлар сони ва уларнинг умумий бойлиги 2019 йилда рекорд даражада ошди, деб хабар бермоқда «РБК».
Тадқиқотга кўра, 2019 йилда дунё бўйича миллиардерлар сони 2825 нафарга етди. Бу 2018 йилга нисбатан 8,5 фоизга ёки 221 кишига кўпдир. Уларнинг умумий бойлиги йил давомида 10,3 фоизга ошиб, 9,4 триллион долларга етди.
Wеаlth-Х версиясига биноан, 2019 йил ҳолатига кўра миллиардерлар сони бўйича давлатлар рейтинги қуйидагича:
- АҚШ — 788 миллиардер;
- Хитой — 342 миллиардер;
- Германия — 153 миллиардер
- Россия — 114 миллиардер
Энг кўп миллиардерлар яшовчи давлатлар қаторидан, шунингдек, Ҳиндистон, Саудия Арабистони, Франция, Италия, Бразилия, БАА, Канада ва Сингапур ҳам жой олган. Экспертларнинг таъкидлашича, ушбу 15 мамлакатда дунё миллиардерларининг тўртдан уч қисми истиқомат қилади.
Шаҳарлар бўйича қараладиган бўлса, аксарият миллиардерлар — 113 нафари Нью-Йоркда яшайди. Ундан кейинги ўринни Гонконг ва Сан-Франциско эгаллаган. Уларда тегишли равишда 96 ва 77 нафар миллиардер яшайди. Москвада бундай одамлар сони 73 нафар бўлиб, тўртинчи ўринни эгаллаган.
Изоҳ (0)