АҚШ коронавирусга чалинганлар сони кунига 100 минг кишига етадиган вазиятга дуч келиши мумкин. Бу ҳақда АҚШ бош инфекционисти Энтони Фаучи маълум қилди, деб хабар бермоқда CNN.
«Ҳозир бизда кунлик касалланишлар сони 40 минг кишидан ортиқ бўлиб турибди. Агар ҳеч қандай ўзгаришлар содир бўлмаса, бу кўрсаткич 100 минг кишигача ошса, ҳайрон қолмайман. Шу сабабли бундан хавотирдаман», — деган у АҚШ Сенатининг соғлиқни сақлаш, таълим, бандлик ва пенсия масалалари бўйича қўмитасининг пандемия масаласи бўйича эшиттирувида.
Фаучи одамларнинг бир гуруҳ бўлиб йиғилиши, ниқоб тақмаётгани, шунингдек, ҳукуматнинг АҚШдаги корхоналарни очиш бўйича тегишли кўрсатмаларга риоя қилмаётганидан ташвишланаётганини билдирган.
Пандемия назорат остидами, деган саволга жавоб берар экан у содир бўлаётган вазиятдан норози эканлигини, чунки коронавирусга чалиниш бўйича янги ҳолатларни кўрсатувчи графикага назар ташланса, АҚШ нотўғри йўналишда кетаётганини кўриш мумкинлигини айтган.
Мавзуга доир: АҚШ ҳукумати коронавирус қурбонлари учун олдиндан юз мингта дафн қопига буюртма бергани маълум бўлди
Изоҳ (0)