Италияда «Formula-1»нинг 1982 йилги мавсуми чемпиони Кеке Росбергга тегишли бўлган Lamborghini Countach сотувга қўйилди. 1985 йилда ишлаб чиқарилган суперкарга ҳозирга қадар 2 кишигина эгалик қилган ва у 14 минг километр масофа босган, деб хабар беради Motor.
Кеке Росберг мазкур Lamborghini’ни 1985 йилда сотиб олган: финляндиялик жаҳон чемпионининг версияси тўрт клапанли цилиндрга эга модернизацияга учраган Countach бўлган— LP5000 Quattrovalvole. Бу каби Countach’нинг одатдаги моделлардан фарқи — кевлар панелли кузов ва карбюраторлар жойининг ўзгарганлигида.
Моделга 454 от кучига эга 5,2 литрли Countach LP5000 Quattrovalvole V12 атмосфера двигатели ўрнатилган. Машина беш поғонали механик узатмалар қутиси ёрдамида бошқарилади. LP5000 QV суперкаридан 610 нусха ишлаб чиқарилган.
Росбергнинг буюртмаси асосида яратилган Lamborghini’нинг ўзига хослиги — фил суяги рангидаги кузовнинг оқ чарм қопланган салон билан уйғунлигида. Махсус табличка машина афсонавий пойгачига тегишли эканлигини исботидир.
Бундан 35 йил олдин ишлаб чиқарилган суперкар ажойиб ҳолда сақлаб қолинган.
Мавзуга доир:
Изоҳ (0)