Россия терма жамоаси ҳужумчиси бир мавсумнинг ўзида ҳам «Реал», ҳам «Барселона»га гол урди

Испаниянинг «Сельта» клубида ижара асосида ҳаракат қилаётган ҳужумчи Фёдор Смолов «Реал» ва «Барселона»га қарши ўйинларда гол урган саккизинчи россиялик футболчи бўлди.

Смолов Ла Лиганинг 24-турида «Реал» (1:1) ва 32-турида эса «Барселона»га қарши кечган учрашувда (2:2) ўз номига гол ёздириб қўйди.

Бундан олдин ушбу натижага қуйидаги россиялик футболчилар эришганди: Александр Мостовой («Барселона»га 5 та гол, «Реал»га 4 та), Дмитрий Радченко («Барселона» – 4, «Реал» – 2), Валерий Карпин («Реал» – 2, «Барселона» – 2), Олег Саленко («Реал» – 2, «Барселона» – 1), Дмитрий Попов («Реал» – 2, «Барселона» – 1), Дмитрий Черишев («Реал» – 1, «Барселона» – 1) ва Игор Корнеев («Реал» – 1, «Барселона» – 1).

Маълумот учун, Фёдор Смолов 2020 йилнинг январь ойида Москванинг «Локомотив» клубидан «Сельта»га ўтганди. Футболчи мавсум охирига қадар Виго клуби сафида ижара асосида тўп тепиши белгиланган.