Нидерландия терма жамоасининг собиқ аъзоси Арьен Роббен фаолиятини қайтадан бошлади ва ўзининг илк жамоаси «Гронинген» сафига қўшилди. Бу ҳақида клуб расмий сайти хабар бермоқда.
«Мен «Гронинген»га футболчи сифатида қайтмоқдаман. Энди бу менинг мақсадимдир. Футболга қайтиш устида ишлаяпман. Ҳозирча бундан нимадир чиқиш, чиқмаслигини билмайман, лекин «Гронинген»да ўйнашни орзу қиламан», — дейди Роббен.
Эслатиб ўтамиз, Роббен профессионал фаолиятини 2019 йилнинг ёзида якунлаганини маълум қилганди. 36 ёшли футболчи «Гронинген», ПСВ, «Челси», «Реал» ва «Бавария» клубларида тўп сурган. У Нидерландия, Англия, Испания ва Германия чемпионатларида ғолиб бўлган. «Бавария» сафида эса 2012/13 йилги мавсумда Чемпионлар Лигасида ғолиб чиққан.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)