«Лейпциг» ҳужумчиси Тимо Вернер Германия чемпионатининг сўнгги, 34-туридан ўрин олган «Аугсбург»га қарши кечган баҳсда (2:1) дублга эришди.
Шу тариқа германиялик ҳужумчи ортда қолган мавсумда сафарда урган голлари сонини 17 та етказиб олди ва 1973/74 йилги мавсумда Мюнхенгладбахнинг «Боруссия» клуби собиқ ҳужумчиси Юпп Ҳайнкес томонидан ўрнатилган Бундеслига рекордини такрорлади.
24 ёшли Вернер жорий мавсумда Бундеслигада 34 та ўйин ўтказиб, 28 та гол ва 8 та голли узатмага муаллифлик қилди.
Қайд этиш жоиз, Тимо Вернер янги мавсумдан бошлаб «Челси» сафида тўп тепади.
Изоҳ (0)