Хитойда сўнгги суткада коронавирус билан касалланиш бўйича 21 та ва касаллик белгисиз ўтаётган 13 та ҳолат аниқланди, беморларнинг 5 нафари соғайди. Бу ҳақда Хитой Соғлиқни сақлаш миллий комиссиясига таяниб, «РИА Новости» хабар берди.
Аниқланган ҳолатларнинг 17 таси мамлакатнинг ўзида (Пекинда), 4 таси четдан юқтирилган. Шунингдек, сутка давомида 5 киши инфекцияни белгисиз ташувчи сифатида қайд этилган. Шундай кишиларнинг яна 106 нафари шифокорлар назоратида бўлиб турибди.
Бир кун аввал коронавирус билан касалланиш бўйича 13 та ва касаллик белгисиз ўтаётган 5 та ҳолат аниқланганди.
Уларнинг аксарияти Пекиннинг Фэнтай ҳудудидаги «Синьфади» улгуржи бозори билан боғлиқ бўлиб, бозор 13 июнь куни ёпилган.
Мамлакатда умумий ҳисобда 83 483 киши коронавирусга чалинган, уларнинг 78 444 нафари соғайган, 4634 нафар бемор COVID-19 қурбонига айланган. Касалхонада 405 киши даволанишда қолмоқда.
Жанубий Кореяда эса сутка давомида 51 киши коронавирусга чалингани қайд этилиб, касалланганларнинг умумий сони 12 653 нафарга етди.
Касалланганларнинг 31 нафари вирусни мамлакатнинг ўзида, 20 нафари четдан юқтирган.
Тузалганларнинг умумий сони эса 11 317 нафарга етди. Касаллик қурбонлар сони ўзгармаган бўлиб, 279 нафарни ташкил қилмоқда.
Мавзуга доир: Коронавирусни бир неча сонияда йўқ қилиш усули топилди
Изоҳ (0)