Қозоғистонда коронавирус қурбонлари сони 150 кишига, Қирғизистонда эса 46 кишига етди

Қозоғистонда ўтган бир сутка ичида яна 569 кишида коронавирус аниқланди, деб хабар беради Tengrinews.

Мамлакат бўйлаб касаллар сонининг ортиши 2,9 фоизни ташкил этмоқда. Коронавирусга чалиниш бўйича янги ҳолатлар қуйидаги ҳудудларда аниқланган:

• Нур-Султон шаҳри — 47 (1,3 фоиз);
• Олмаота шаҳри — 73 (2,1 фоиз);
• Чимкент шаҳри — 58 (3,9 фоиз);
• Ақмўла вилояти — 20 (4,8 фоиз);
• Ақтўбе вилояти — 33 (4,6 фоиз);
• Олмаота вилояти — 17 (2,6 фоиз);
• Шарқий Қозоғистон вилояти — 40 (6,6 фоиз);
• Жамбил вилояти — 13 (2 фоиз);
• Ғарбий Қозоғистон вилояти — 40 (3,1 фоиз);
• Қарағанда вилояти — 48 (2,3 фоиз);
• Костанай вилояти — 31 (7,4 фоиз);
• Қизилўрда вилояти — 11 (1,8 фоиз);
• Манғистов вилояти — 5 (1,1 фоиз);
• Павлодар вилояти — 37 (6,2 фоиз);
• Шимолий Қозоғистон вилояти — 37 (12,3 фоиз);
• Туркистон вилояти — 59 (8,3 фоиз).

Бутун мамлакат бўйлаб коронавирусга чалинганлар сони 20 319 кишига етган. Ҳозирга қадар 12 548 киши соғайган, 150 киши вирус қурбонига айланган. Шунингдек, 14 548 киши коронавирусни белгисиз ташувчи сифатида қайд этилган.Қирғизистонда 27 июнь ҳолатига кўра, яна 309 кишида коронавирус инфекцияси аниқланди. Бу ҳақда мамлакат Соғлиқни сақлаш вазирлигига таяниб, Kloop хабар берди.

Коронавирусга чалинган янги касалларнинг 118 нафари Бишкек шаҳри ҳисобига тўғри келмоқда. Шунингдек, қуйидаги ҳудудларда ҳам коронавирус билан касалланиш бўйича янги ҳолатлар қайд этилган:

• Чуй вилояти — 23;
• Ўш вилояти — 39;
• Ўш шаҳри — 94;
• Жалолобод вилояти — 19;
• Иссиқкўл вилояти — 5;
• Боткен вилояти — 3;
• Талас вилояти — 3;
• Норин вилояти — 5.

Ўтган бир сутка ичида 50 кишига шифохоналардан жавоб берилган.

Бутун мамлакат бўйлаб COVID-19 билан касалланганлар сони 4513 кишига етди, уларнинг 46 нафари вирус қурбонига айланган. Ҳозирга қадар 2255 нафар бемор даволанишга муваффақ бўлган.

Афғонистонда ўтган бир сутка ичида яна 276 кишида коронавирус аниқланди, деб хабар беради Tolo News.

Мамлакат Соғлиқни сақлаш вазирлигининг маълумотларига кўра, Афғонистонда коронавирусга чалинганлар сони 30 451 кишини ташкил этмоқда.

Бутун мамлакат бўйлаб коронавирусдан ҳозирга қадар 10 306 бемор даволанишга муваффақ бўлди. Ўтган бир сутканинг ўзида 132 киши соғайган. Умумий ҳисобда 638 киши касаллик оқибатида вафот этган. Ҳозирга қадар Афғонистонда коронавирусга қарши 69,5 мингдан ортиқ тест ўтказилган.

Тожикистонда коронавирус билан касалланганлар сони 5747 кишига етди, деб хабар беради «РИА Новости». Ўтган сутка давомида яна 56 кишида коронавирус аниқланган.

Мамлакатда ўтган бир сутка ичида 62 кишига шифохонадан жавоб берилган. Тожикистонда ҳозирга қадар 52 киши COVID-19 қурбонига айланган, 4331 бемор даволанишга муваффақ бўлган. Ҳозирда коронавирусга чалинган 286 нафар бемор шифокорлар назорати остида қолмоқда.

Ўзбекистонда 27 июнь соат 10:00 ҳолатига кўра, коронавирус инфекцияси қайд этилганлар сони 7490 кишига етди. Мамлакатда коронавирус инфекциясига чалинган 5038 нафар фуқаро соғайган, ҳозирга қадар 20 нафар бемор COVID-19 асоратлари оқибатида вафот этган.