АҚШда 26 июнь куни бир сутка ичида 45 242 киши коронавирусга чалиниб, касалланиш бўйича кунлик рекорд янгиланди, деб хабар бермоқда Reuters ўз ҳисоб-китобларига таяниб.
Бундай ҳисоб-китобларни юритувчи Жонс Ҳопкинс маълумотларига кўра эса COVID-19 қурбонлари сони 125 минг кишидан ошиб кетди. Университет маълумотларига бўйича АҚШда шу кунгача 2 миллион 467 мингдан ортиқ киши коронавирусга чалинган, 663 минг нафардан ортиғи соғайган.
Аввалроқ АҚШ президенти Дональд Трамп мамлакатда касалланганлар сони ортиши шароитида ундан вафот этаётганлар сони камайиб бораётганини маълум қилганди.
Эслатиб ўтамиз, ЖССТ март ойида COVID-19 тарқалишини пандемия деб эълон қилганди. Сўнгги маълумотларга кўра, дунёда бу касалликка чалинганлар сони 9,8 миллиондан, қурбонлар сони эса 494 минг кишидан ошган.
Изоҳ (0)