Москвада 1993 йили ишлаб чиқарилган «ЗAЗ-968МД» автомобили 450 минг рубль (6300 доллар) эвазига сотувга қўйилди. Бу пулга Classic комплектацияга эга янги Lada Granta’ни харид қилиш мумкин, деб хабар беради Motor.
27 йиллик «Запорожец» гаражда тургани учун ажойиб ҳолда сақланган. Автомобиль кузовида занглаган қисмлар йўқ, барча агрегатлар ишлайди. Машина ўтган давр мобайнида 2156 километр йўл босган.
Машинани 45 от кучига эга 1,2 литрли двигатель ҳаракатга келтиради. Агрегат тўрт поғонали механик узатмалар қутиси ёрдамида бошқарилади. Сотувчининг сўзларига кўра, машинанинг барча ҳужжатлари янгиланган, шу сабабли уни рўйхатга қўйишда муаммо юзага келмайди.
Модификацияланган «ЗAЗ-968МД» 1960 йилларнинг ўрталаридан 1994 йилга қадар ишлаб чиқарилган. Модель имконияти чекланган инсонлар учун рул чамбараги остидаги бошқарув тутқичлари билан жиҳозланган. Автомобилда фақат муфта ва тормоз тепкилари мавжуд.
Изоҳ (0)