Марко исмли америкалик блогер ўзининг Honda Civic седанини иммерсион босма технология усулидан фойдаланган ҳолда бўяшга қарор қилди. Бунинг учун у қурилиш крани ва сув тўлдирилган улкан контейнердан фойдаланган, деб хабар беради Motor.
Тажрибани ўтказиш учун блогер Honda ойналарини брезент билан ёпиб чиққан, фонарларига эга рангли скотч ёпиштирган, седан кузови эса контраст ҳосил қилиши учун дастлаб тўлиқ оқ рангга бўялган.
Блогер одатда кузовнинг алоҳида элементлари ёки интерьерини бўяшда ишлатиладиган ванна ўрнига, сув билан тўлдирилган юк контейнеридан фойдаланишга қарор қилган. Автомобильни сувга тушириш учун эса қурилиш крани ёрдамга келган.
Honda тўлиқ сувга туширилгач, бир неча киши унга қизил ва кўк бўёқларни сепа бошлаган. Натижада автомобиль кузови қисман қизил-кўк рангга кирган, бироқ сувга тўлиб қолган мотор бўлмаси сабаб машина бошқа мустақил ҳаракатлана олмаган.
Изоҳ (0)