Америкалик ҳип-ҳоп ва рэп йўналишидаги қўшиқлари билан машҳур Майлс Паркс МакКоллум (Lil Yachty) ўзининг Ferrari 488 автомобилида ЙТҲга учради. Қўшиқчининг ўзига жиддий зарар етмаган, бироқ 330 минг долларлик суперкар пачоқ бўлган, деб ёзади Billboard.
22 ёшли қўшиқчи авария содир бўлган жойдаги суратни ўзининг Twitter’даги саҳифасига жойлаштирган.
«Мен ўз ҳаётимдан миннатдорман. Лекин бу ҳамма шундай қилиши керак дегани эмас», — деб ёзади рэпер.
Авария автотрассада сув тошқини вақтида юз берган. Lil Yachty автомобиль бошқарувини йўқотиб қўйган ва йўл четидаги тўсиққа бориб урилган. Мусиқачининг қўли синган.
Полициячилар рэперни автомобилни хавфли бошқаргани ва ҳайдовчилик гувоҳномаси йўқлиги учун огоҳлантирган.
Аввалроқ Хитойда Tesla автопилоти соатига 127 километр тезликда ҳаракатланиб, ЙТҲга учрагани тўғрисида хабар берилганди.
Изоҳ (0)