Англия Премьер Лигасининг 31-турида «Челси» «Манчестер Сити»ни 2:1 ҳисобида мағлубиятга учратди.
Лондонда бўлиб ўтган ўйин натижаси «Ливерпуль»га чемпионликни қўлга киритишга имкон берган бўлса, «Манчестер Сити»ни чемпионлик пойгасида Мерсисайд клубини қувиб ўтиш имкониятидан маҳрум қилди.
Қайд этиш жоиз, «Челси» сўнгги 5 йил ичида иккинчи марта ўз натижаси билан бошқа жамоани чемпион қилди. Бундан олдин «кўклар» 2016 йилнинг май ойида «Тоттенҳэм» билан дуранг (2:2) қайд этиб, «Лестер»нинг чемпион бўлишига имконият яратганди.
Эслатиб ўтамиз, «Ливерпуль» «Челси»нинг мазкур ғалабасидан кейин мавсум якунланишига 7 тур қолганида чемпионликни қўлга киритди.
Мавзуга доир: Фрэнк Лэмпард «Ливерпуль» ҳақида: «Уларни биз чемпион қилмадик»
Изоҳ (0)