«Ливерпуль» бош мураббийи Юрген Клопп Англия чемпионатидаги ғолибликдан сўнг ўз фикрлари билан ўртоқлашди.
«Ақл бовар қилмайди. Бу мен тасаввур қилганимдан ҳам ортиқроқ нарса экан. Кенни Далглиш бизни қандай қўллаб-қувватлаганини биламан. Бу чемпионлик сиз учун. У буни 30 йил кутди. Шунингдек, бу Стивен Жеррард учун ҳам. Йигитлар барчангиздан илҳом олади. Бизнинг ажойиб тарихимиз туфайли жамоага мотивация бериш осон.
«Манчестер Сити» асабий 100 дақиқани ўтказди, мен унда иштирок этишни хоҳламаган эдим, лекин ўйинни томоша қилганим сабабли бунга мажбур бўлдим. Чемпионлик футболчиларимнинг катта ютуғидир ва мен уларни шуғуллантираётганимдан жудаям хурсандман.
Мен буни 30 йил кутмадим, мен бу ерда бор-йўғи бешинчи йилимни ўтказяпман, лекин бу ҳақиқий ғалаба, айниқса, уч ойлик танаффусдан кейин. Чунки футбол ўйнашда давом этиш, этмаслигимизни ҳеч ким билмасди.
Кечаги ўйиндан сўнг мен келажакка ишона бошладим. Бугунги ўйин эса мухлисларга шу туйғуни берди. Уйда қоласиз деган умиддаман. Биз сиз учун буни қилишдан хурсандмиз. Пандемия ҳали тугагани йўқ. Биз ўйинни меҳмонхонада бирга томоша қилдик, шу сабабли бу лаҳзалардан завқланишда давом этамиз.
Биламан, ҳозир инсонлар учун жуда қийин давр, лекин биз ўзимизни ушлаб тура олмадик. Имкон туғилиши билан чемпионликни мухлисларимиз билан нишонлаймиз», — дейди Клопп.
«Ливерпуль» мусобақа якунланишига 7 тур қолганида ғолибликни қўлга киритиб, АПЛ рекордини ўрнатди. Жамоа иккинчи ўринда бораётган «Манчестер Сити»дан 23 очкога илгарилаб кетган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)