Юрген Клопп бошчилигидаги «Ливерпуль» Англия чемпионига айланди.
Шу тариқа 53 ёшли германиялик мутахассис мураббийлик фаолиятидаги 9-совринни қўлга киритди.
Бундан аввал Клопп Дортмунднинг «Боруссия»си билан икки маротабадан Бундеслига (2011, 2012) ва Германия Суперкубогида (2013, 2014) бош совринга эга чиққан, бир бор эса мамлакат Кубогида (2012) ғолиб бўлган.
Клопп инглиз клубида иш бошлаганидан буён жамоа тўртта мусобақада: Чемпионлар Лигаси, УЕФА Суперкубоги, клублар ўртасидаги Жаҳон чемпионати (барчаси 2018/19 йилги мавсумда) ва 2019/20 йилги мавсумда Премьер Лига мусобақасида ғолиб чиқди.
Мавсум тугашига етти тур қолганида «Ливерпуль» (86 очко) энг яқин таъқибчиси «Манчестер Сити»ни 23 очкога ортда қолдириб кетди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)