25 июнь куни Тошкент вилояти Янгийўл тумани «Қирсадоқ» МФЙ, Тошкент шоҳ кўчасида жойлашган Global Comsco Daewoo МЧЖ қоғоз ишлаб чиқариш Корея—Ўзбекистон қўшма корхонасида ёнғин содир бўлган. Бу ҳақда Фавқулодда вазиятлар вазирлиги хабар қилди.
Тошкент вилояти Фавқулодда вазиятлар бошқармасининг 36 та ёнғин-қутқарув гуруҳи ҳодиса жойга етиб борган. Бирламчи маълумотларга кўра, корхона ичидаги 5000 квадрат метр майдон ёнган. Айни вақтда аланга ўраб олиниб, вазият тўлиқ назоратга олинган.
Ёнғинни бартараф этиш учун ҳодиса жойига Фавқулодда вазиятлар вазирлиги раҳбарияти, Тошкент вилояти ҳамда Тошкент шаҳар ФВБ бошлиқлари, туман ҳокимлиги мутассаддилари ҳам келган.
ФВВнинг қайд этишича, ёнғин оқибатида жабрланган ва ҳалок бўлганлар тўғрисида маълумот келиб тушмаган. Ўт ўчириш ишлари давом этмоқда.
Изоҳ (0)