Шаҳрисабз давлат музей-қўриқхонаси бош директори Н.Х. ишламаган ходимлар номига иш ҳақи ёзиб, 62,9 миллион сўмни ўзлаштиргани аниқланди. Бу ҳақда «Дарё»га Бош прокуратура томонидан маълум қилинди.
Хабар берилишича, Бош прокуратура ҳузуридаги Иқтисодий жиноятларга қарши кураш департаменти томонидан ўтказилган терговга қадар текширувда Шаҳрисабз давлат музей-қўриқхонаси бош директори Н.Х.га нисбатан жиноят иши қўзғатилди.
Аниқланишича, музей-қўриқхона раҳбари амалда ишламаган турмуш ўртоғи Д.В. ва яна тўрт нафар фуқарога сохта ҳужжатлар асосида иш ҳақи ҳисоблаб, 62,9 миллион сўм бюджет маблағларини ўзлаштириш йўли билан талон-торож қилган.
Ҳолат бўйича Н.Х.га нисбатан Жиноят кодексининг 167-моддаси (Ўзлаштириш) 2-қисми «г» банди ва 209-моддаси (Мансаб сохтакорлиги) 1-қисми билан жиноят иши қўзғатилган. Тергов ҳаракатлари ўтказилмоқда.
Мавзуга доир:
- Жиззахда ўзгалар номига 120 млн сўм кредит расмийлаштириб, уни ўзлаштирган «Микрокредитбанк» ходимига жиноят иши очилди
- Гурланда 400 млн сўмлик кредит маблағларини ўзлаштирган собиқ банк раҳбарига нисбатан жиноят иши қўзғатилди
- Бухородаги коронавирус беморлари даволанаётган шифохонани таъмирлашда 577 млн сўм талон-торож қилинган
- Самарқандда 30 млн сўм миқдордаги пенсия пули талон-торож қилингани маълум бўлди
Изоҳ (0)