Ўзбекистоннинг тоғ ва тоғолди ҳудудларида 2020 йилнинг 26—28 июнь кунлари сел келиши хавфи мавжуд. Бу ҳақда Фавқулодда вазиятлар вазирлиги хабар берди.
Шу сабабли вазирлик тоғ ва тоғолди ҳудудларида яшовчи аҳолидан эҳтиёт чораларини кўришни, нохуш ҳолатлар юзага келганда ФВВнинг 1050 рақамига мурожаат қилишни сўраган.
Аввалроқ «Ўзгидромет» 26 июнда мамлакат шимолига, 27 июнда қолган ҳудудларга Волгабўйидан совуқ антициклон кириб келиши кутилаётгани ҳақида хабар берганди. Шу кунлари ҳаво ҳарорати 8-10 даражага пасайиб, 27-30 даражани ташкил қилади. Қайд этилишича, бу меъёрий ҳароратдан 5-6 даражага паст, тунги ҳарорат эса 19-24 даража бўлади. Совуқ ҳаво фронт ўтиши билан яна шамол кучайиб, сониясига 15-20 метр тезликда эсиши кутилмоқда.
Изоҳ (0)