Чилонзор туманидаги 4 та мавзе ва 6 та маҳаллада газ вақтинча ўчирилади

Тошкент шаҳар Чилонзор тумани Бунёдкор кўчасидаги ерости газ қувурида газ сизиб чиқиш ҳолати (авария) аниқланганлиги сабабли 25 июнь куни 11:00 дан 17:00 гача ушбу ҳудудда таъмирлаш ишлари олиб борилади. Бу ҳақда «Ҳудудгаз Тошкент шаҳар» МЧЖга таяниб, Тошкент шаҳар ҳокимлиги хабар қилган.

Хабарга кўра Чилонзор тумани 10, 16, ва 17-мавзелари, Ц мавзеси, шунингдек, «Наққошлик», «Дўмбиробод», «Катта Дўмбиробод», «Гавҳар», «Тирсакобод» ва «Катта Қозиробод» маҳаллаларидаги хонадонлар газ таъминотидан вақтинча узиб қўйилади.

Таъмирлаш ишлари тугатилгандан сўнг табиий газ таъминоти қайта тикланади.

Аввал  18 июнь куни соат 10:00 дан 17:00 га қадар таъмирлаш ишлари амалга оширилгани туфайли мазкур ҳудудларнинг айримларида газ таъминотининг вақтинча ўчирилгани хабар қилинганди.