Республика комиссиясининг 1-сонли баёни билан 8 та туманда давлат хизматлари марказлари орқали муқобил равишда 2020/2021-ўқув йили қабулида олий таълим муассасаларига кириш синовларида иштирок этиш учун рўйхатдан ўтказишга рухсат берилди. Бу ҳақда Адлия вазирлигининг Давлат хизматлари агентлиги хабар бермоқда.
Комиссия баёнига мувофиқ, Қорақалпоғистон Республикаси Мўйноқ тумани ДХМда, Навоий вилояти Конимех ва Томди туманлари ДХМларида, Сурхондарё вилояти Узун ва Бойсун туманлари ДХМларида, Фарғона вилояти Сўх ва Фарғона туманлари ДХМларида ҳамда Сирдарё вилояти Сардоба тумани ДХМда мазкур ҳудудлардаги абитуриентлар рўйхатга олинади.
Юқорида қайд этилган туманларда яшовчи абитуриентлар рўйхатдан ўтишни «abitur.dtm.uz» ёки «my.gov.uz» порталлари билан бир қаторда белгиланган 8 та ДХМ орқали амалга ошириши мумкин.
Мавзуга доир: Хотин-қизлар учун ОТМга киришдаги қўшимча грантлар қайси тартиб асосида кимларга берилиши маълум бўлди
Изоҳ (0)