2020 йилги Ҳаж зиёратида Саудия Арабистонининг ўзидан 10 минг зиёратчи иштирок этиши мумкин. Бу ҳақда Саудия Арабистони Ҳаж ва Умра ишлари вазири Муҳаммад Солиҳ маълум қилди, деб хабар бермоқда Тошкент ислом институти.
Ҳаж ва Умра ишлари вазири Муҳаммад Солиҳнинг маълум қилишича, 2020 йилги Ҳаж мавсумида Макка ва Мадина шаҳарлари 10 минг зиёратчини қабул қила олади.
Шунингдек, вазирнинг аниқлик киритишича, 2020 йилги Ҳаж зиёратчилари сони жуда чекланган бўлади.
«Бу йил зиёратчилар сони жуда чекланган бўлади ва 10 мингдан ошмаслиги керак. Бу ички Ҳаж ҳисобланиб, чет элдан келган зиёратчилар қабул қилинмайди», — деган вазир Муҳаммад Солиҳ.
Қайд этилишича, Ҳаж зиёратчиларининг барчаси коронавирус учун тест топширади ва ҳаж амаллари тугагандан сўнг, 14 кун карантинга олинади.
Эслатиб ўтамиз, коронавирус пандемияси сабабли Саудия Арабистони хорижлик зиёратчилар учун 2020 йилги Ҳаж зиёратини бекор қилди. Саудия Арабистони Ҳаж ва Умра ишлари вазирлиги 2020 йилги Ҳаж мавсумини фақат Саудия Арабистони ичида бўлиб турган фуқаролардан иборат зиёратчилар учун 28 июлдан 2 августгача бўлган вақт оралиғида ташкил қилиш ҳақида қарор қабул қилди.
Изоҳ (0)