Янги зеландиялик Мадлен Кирке-Смит тўйидаги фотосурати туфайли саратонга чалинганини аниқлади, деб ёзади «Korrespondent.net».
Келинчак тўй маросимидаги суратлардан бирига диққат билан қараб кўкрак соҳасида катта шиш борлигини пайқади. У эртаси куни шифокорга мурожаат қилди ҳамда Мадленда ўсимта аниқланди.
Кирке-Смитнинг айтишича, кўкрак соҳасидаги ўзгаришни бундан бир неча йил аввал сезган, лекин ўшанда унга нотўғри ташхис қўйишган.
«Мен тез орада сўнгги кимётерапия муолажасини оламан, кейин кўкрак безини олиб ташлаш бўйича иккита операция мени кутмоқда. Касаллигим ҳақида олдинроқ билганимда, балки, даволаш жараёни осонроқ кечарди», — дейди Мадлен.
Кирке-Смит келгусида бундай ҳолатларнинг олдини олиш мақсадида шифокорларнинг касбий стандартларини ўзгартириш бўйича шикоят йўллаган.
Мавзуга доир: Спорт америкалик аёлга саратонни енгишга ёрдам берди
Изоҳ (0)