22 июнь куни Тошкент шаҳридаги Тошкент тиббиёт академиясининг кўп тармоқли клиникасида 49 нафар, Эпидемиология, микробиология ва юқумли касалликлар илмий-текшириш институти клиникасида 12 нафар, Бухоро вилоятида 5 нафар, жами 66 нафар коронавирус инфекциясига чалинган бемор соғайиб, ўз уйига кузатилди. Бу ҳақда Соғлиқни сақлаш вазирлиги хабар бермоқда.
Пойтахтда тузалганларнинг 52 нафари эркаклар, 9 нафари аёллар бўлиб, ёши каттаси 81 ёшли онахон, ёши кичиги эса 3 ёшда. Эндиликда Тошкент шаҳрида коронавирус инфекциясидан соғайганлар сони 2342 нафарга етди.
Бухоро вилоятида касалликдан фориғ бўлганларнинг 2 нафари эркаклар, 3 нафари аёллар бўлиб, ёши каттаси 40 ёшда, ёши кичиги эса 28 ёшда. Ҳозирда ушбу ҳудудда коронавирус инфекциясидан соғайганлар сони 472 нафарга етди.
22 июнь куни Наманганда ҳам 7 нафар бемор касалликдан соғайганди. Шундай қилиб, кун давомида 73 нафар коронавирус инфекциясига чалинган бемор тузалиб, ҳозирда Ўзбекистон бўйлаб соғайганлар сони 4450 нафарни ташкил этмоқда. Айни пайтда юқумли касалликларга ихтисослашган шифохоналарда 1932 нафар бемор даволанмоқда.
Санитария-эпидемиологик осойишталик агентлиги директори биринчи ўринбосари Ботиржон Қурбонов даволанаётган беморларнинг касаллик даражасига кўра ҳолати ҳақида тўхталиб, беморларнинг 3 нафари ўта оғир, 15 нафари оғир ва 125 нафари ўрта оғир аҳволда эканлигини маълум қилганди.
Изоҳ (0)