«Реал» ҳимоячиси Серхио Рамос «Реал Сосьедад»га қарши кечган баҳсда тиззасини жароҳатлаб олган. Бу ҳақда мадридликлар бош мураббийи Зинедин Зидан маълум қилди.
«Унинг тиззасида кучли оғриқ бор, аммо биз бунинг жиддий эмаслигига умид қиламиз», — дейди Зидан.
Рамос жароҳат сабаб учрашувнинг 60-дақиқасида майдонни тарк этганди. Marca нашрининг хабар қилишича, футболчининг жароҳати жиддий эмас ва у тез орада сафга қайтади.
Аввалроқ Серхио Рамоснинг «Реал Сосьедад» қарши кечган баҳсда Мадрид клубининг биринчи голига муаллифлик қилиб, Испания чемпионати ҳимоячилари орасида 68 та гол билан энг яхши тўпурарга айланиб олгани ҳақида хабар берилганди.
Маълумот учун, Рамос жорий мавсумда Ла Лиганинг 28 та ўйинида майдонга тушиб, 7 та голга муаллифлик қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)