American Airlines ниқоб тақишдан бош тортган йўловчини рейсдан олиб, ниқоб тақиш тартиби бекор қилингунча ушбу авиакомпания орқали учишни тақиқлади, деб хабар бермоқда The New York Times.
Воқеа 17 июнь куни, Нью-Йоркдан Далласга учиши лозим бўлган самолёт бортида содир бўлган. 11 майдан кучга кирган қоидага кўра, коронавирус пандемияси туфайли болалар, имконияти чекланган шахслар, шунингдек соғлиғи туфайли ниқоб тақа олмайдиган кишилардан ташқари барча йўловчилар ниқоб тақиши лозим бўлган. Бироқ Бредон Страка исмли эркак бундан бош тортган. New York Times’нинг ёзишича, бошқа йирик авиакомпаниялар ҳам шу каби тартибга амал қилади.
Авиакомпания ходимлари агар у ниқоб тақмаса, рейсдан тушириб юборишга тўғри келиши тўғрисида огоҳлантирган, аммо Бредон унга ниқоб тақиш ёқмаслигини билдирган. Оқибатда уни шу авиакомпаниянинг бошқа рейсига кўчиришган.
Бироқ эртаси куни, 18 июнда American Airlines авиакомпанияси ниқоб тақиш талаби бекор қилингунга қадар Бредон Стракага ушбу компания орқали парвоз қилиш тақиқланишини эълон қилган.
Изоҳ (0)