«Реал» ва Бразилия терма жамоасининг собиқ ҳужумчиси Роналдо футбол тарихидаги энг яхши тўрт нафар ўйинчининг номини айтди.
«Мен учун тарихдаги энг яхшилар рейтингининг дастлабки тўртлигида шундай номлар бор — Пеле, Марадона, Лионель Месси ва Криштиану Роналду. Улар футбол тарихидаги энг яхши ўйинчилардир», — дейди Роналдо.
Аввалроқ бразилиялик афсона Лионель Месси, Муҳаммад Салоҳ, Эден Азар, Неймар ва Килиан Мбаппенинг ўйинларини мунтазам кузатиб боришини айтганди. Қайд этиш жоиз, ўшанда у ушбу рўйхатга «Ювентус» ҳужумчиси Криштиану Роналдуни киритмаган.
Шунингдек, Роналдо агар «Вальядолид»да (Роналдо 2018 йилдан бери испан клуби президенти ҳисобланади) «Реал»нинг бюджети бўлганида, Мбаппени сотиб олишини ва уни ўзига ўхшатиши ҳақида ҳам гапирганди.
Мавзуга доир:
Изоҳ (0)