Хитойнинг ОPPО компанияси ноодатий катта объектив ва тезкор қувватланиш имкониятига эга янги Reno4 смартфонлар линейкасини тақдим этди, деб хабар беради Gsmarena.
Reno4 моделига 6,43 дюймли Full HD+ сифатни қўллаб-қувватловчи экран ўрнатилган бўлиб, иккита фронтал камерага эга — 32 ва 2 мегапикселли. Reno4 Prо версиясига эса диагонали 6,55 дюймга тенг ёнлари эгилган дисплей ўрнатилган бўлиб, 21 мегапикселли фронтал камерага эга.
Иккала смартфонда ҳам 5G алоқа тармоғини «кўтара оладиган» Snapdragon 765G процессори ўрин олган. Тезкор хотираси 8 ёки 12 гигабайтгача, ички хотираси эса 128/256 гигабайтга тенг. Қурилманинг автономлигига 4000 мА/соат сиғимга эга аккумулятор жавоб беради. У 65 ваттли тезкор қувватланиш имкониятига эга.
Смартфоннинг ташқи кўринишида камералар алоҳида ажралиб туради. Асосий блокда учта камера объективи ва кичкина қўшимча датчик жойлашган. Reno4 Pro’га эса оптик барқарорлаштиргичга эга 48 мегапикселли асосий камера, 12 мегапикселли ултра кенг ўлчамли модул ва беш карра яқинлаштириш ҳамда 20 баробарли гибрид зумга эга 13 мегапикселли телефото ўрнатилган.
Кичик версиянинг асосий камераси ҳам 48 мегапикселга тенг. Кенг ўлчамли камераси эса 8 мегапикселни ташкил этади, шунингдек, кадр чуқурлигини ўлчовчи қўшимча модул ҳам бор. Reno4 моделининг қалинлиги 7,8 миллиметрга, оғирлиги 183 граммга тенг. Reno4 Prо эса — 7,6 миллиметр ва 172 грамм.
Янги моделларнинг расмий нархи:
- Reno4 8/128 Гб — 422 доллар;
- Reno4 8/256 Гб — 465 доллар;
- Reno4 Prо 8/128 Гб — 535 доллар;
- Reno4 Prо 12/256 Гб — 606 доллар.
Мавзуга доир: Виво кучли камерага эга Х50 линейкасини тақдим этди
Изоҳ (0)