Ford компанияси янги Mustang Маch 1 моделини намойиш этди. Маch 1 сўнгги 15 йилдан буён мазкур линейкада яратилган илк моделга айланди, деб хабар беради Motor.
Спорткар 525 от кучига эга 5,0 литрли V8 двигатели билан жиҳозланган бўлиб, у Shelby GT350’нинг олти поғонали Тrеmccе 3160 механик трансмиссияси ёрдамида бошқарилади.
Шунингдек, харидорларга моделнинг 10 поғонали робот узатмалар қутисига эга муқобили ҳам таклиф этилади. «Подвеска»нинг алоҳида деталлари ва совутиш тизими Shelby GT350’ники каби. Mustang Маch 1 капотида массив ҳаво панжараси ўрнига тор қирқимлар пайдо бўлган. Шунингдек, янги моделга уч ўлчамли радиатор панжараси ўрнатилган.
Классик Mustang жамланмасидан 19 дюймли дискалар ўрин олган. Моделни Fighter Jet Grey эксклюзив кумуш рангида, Twister Orange, Velocity Blue ва яна беш турдаги рангда буюртма қилиш мумкин.
Таъкидланишича, янги модель 2021 йилнинг баҳорида бозорга чиқади. Ҳозирча Mustang Маch 1’нинг нархи номаълум.
Эслатиб ўтамиз, 2019 йили АҚШда Ford компанияси тарихидаги энг муваффақиятли топ менежерлардан бири бўлган, Ford Mustang автомобили асосчиси Ли Якокк 94 ёшида вафот этганди.
Изоҳ (0)