«Ньюкасл» жамоаси «Лацио» ҳужумчиси Чиро Иммобиле хизматларига қизиқиш билдирмоқда. Бу ҳақда La Gazzetta dello Sport нашрига таяниб Football Italia хабар қилмоқда.
Таъкидланишича, «қарғалар» Италия терма жамоасининг 30 ёшли футболчиси учун 135 миллион евродан воз кечишга тайёр. Бу миқдорнинг 55 миллиони «Лацио»дан футболчини сотиб олишга кетса, яна 80 миллион Чиро билан тузиладиган 5 йиллик шартнома учун сарфланади. Клуб футболчининг ҳозирги маошидан икки баробар кўп пул таклиф қилмоқчи. Иммобиле 5 йил давомида 40 миллион евро (солиқларни инобатга олганда клуб 80 миллион тўлайди) ишлаб олади.
Яқин орада «Ньюкасл» Саудия Арабистони валиаҳд шаҳзодаси Муҳаммад бин Салмонга тегишли фонд томонидан сотиб олинади. Янги раҳбарлар таркибни кучайтириш борасида бир қатор трансферларга қўл урмоқчи.
Иммобиленинг римликлар билан шартномаси 2023 йилга қадар амал қилади. 2019/20 йилги мавсумда Чиро А Сериянинг 27 ўйинида 26 та гол урди ва айни дамда «Олтин бутса»га даъвогарлар рўйхатида 2-поғонада бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)