Жазирама аёл киши ўзига қарамаслиги учун баҳона бўлолмайди, лекин иссиқ кунда одатдагидан бошқачароқ макияж қилиш керак бўлади.
1. Ёғли ва қуюқ тонал кремлардан фойдаланиш тавсия қилинмайди. Бунинг ўрнига CC крем ёки қуёшдан ҳимоя қилувчи воситалардан фойдаланинг.
2. Сифатли ва узоқ турадиган воситаларни ишлатинг. Масалан, қовоқларингизга суртган тен бир соатдан кейин ўчиб кетса ёки кўз тагига тўкилса, демак, сифатсиз ва узоққа етмайдиган бўлади. Бундай косметик воситаларга эса пул сарфлаш керак эмас.
3. Бронзер ва ҳайлайтердан иложи борича фойдаланманг. Ушбу воситалар юзни ялтиратади, иссиқ ҳароратда эса шундоқ ҳам теридан одатдагидан кўпроқ ёғ ажралиб чиқади. Ишлатган тақдирингизда ҳам асос сифатида упадан фойдаланишни ёддан чиқарманг.
4. Жазирамада кўзни қалам ёки подводка билан бўяш тавсия қилинмайди, чунки ушбу воситаларнинг аксарияти суркалиш хусусиятига эга.
5. Сумка, ҳамёнингизда қуруқ косметик салфетка олиб юринг. Ортиқча ялтирашни сезишингиз билан кўзгуга қараб, юзингизни тартибга келтиринг.
Мавзуга доир:
- Муаммоли юз териси учун уй шароитида ниқоблар тайёрлаймиз
- Карантин ўзига қарамасликка баҳона холос. Кўп вақт олмайдиган тонгги соч турмаги
- Ортиқча макияжсиз, табиий гўзал кўринишнинг 5 усули
- Юз териси гўзаллигига таъсир кўрсатувчи 5 та маҳсулот
- Макияжда энг кўп йўл қўйиладиган 10 хато
- Гўзал ташқи кўринишга эга бўлиш учун нималарга эътибор бериш керак? 6 тавсия
Изоҳ (0)