Уй шароитида тайёрлаш мумкин бўлган юз учун фойдали ниқоблар

Макияж ва таркибида кимёвий моддалар бўлган косметик воситалардан чарчаган юз териси вақти-вақти билан дам олиб туриши керак бўлади. Уй шароитида, табиий маҳсулотлардан тайёрлаш мумкин бўлган ниқоблар тери саломатлиги учун фойдали ҳисобланади.

Хамиртурушли ниқобХамиртуруш — витамин, микро ва макроэлемент, органик кислоталарнинг манбаси ҳисобланади. Ушбу маҳсулотдан тайёрланган ниқоб барча типдаги терига тушади, ҳуснбузарларга қарши самарали восита ҳисобланади.

Бунинг учун, 10 грамм хамиртурушни қатиқ билан аралаштиринг. Ниқобни юзингизга суртиб 20 дақиқа ўтганидан кейин сув билан ювиб ташланг.

Фойдаси: Ниқоб сурилганидан кейин биринчи мартанинг ўзида фойдаси билинади: поралар очилади, теридаги муаммолар, яллиғланиш бартараф этилади, ажин тушишини ҳамда терининг муддатидан олдин қаришини олдини олади.

Кўк чойли ниқоб

Кўк чой нафақат истеъмол қилиш, балки юзга ниқоб сифатида фойдаланиш учун ҳам тавсия қилинади. Чой барги терини ёш ва соғлом кўрсатиш хусусиятига эга бўлган антиоксидантларнинг манбаси ҳисобланади. Уй шароитида кўк чойдан ниқоб тайёрлаш учун, 1 ош қошиқ хамиртурушга 1 ош қошиқ кўк чой қўшиб устидан қайнаган сув қўшинг. 20 дақиқадан кейин 1 чой қошиқ лимон шарбати қўшинг ва аралаштиринг. Юзингизга суртиб. 20 дақиқадан кейин ювиб ташланг.

Фойдаси: Уй шароитида тайёрлаш мумкин бўлган мазкур ниқоб ёғли ва аралаш тери учун айни муддао. Ниқобдан кейин юздаги поралар очилади, ранги тиниқлашади ва ортиқча ёғланишдан холи бўлади.

Сули ёрмасидан тайёрланадиган ниқоб

Сули ёрмасида терининг тикланишида аҳамиятли бўлган тиамин ва ретинол, C витамини бор. Ниқоб тайёрлаш учун, 1 ош қошиқ сули ёрмасига 60-75 миллилитр илиқ сув қўшиб, устини ёпиб қўйинг. Юзингизга суртиб қуригунича кутинг, бироз ўтганидан кейин ювиб ташланг ва юзингизга намлантирувчи крем суртинг.

Фойдаси: Сули ёрмасидан тайёрланган мазкур табиий ниқобдан кейин тери соғлом ва юмшоқ бўлиб қолади. Бундан ташқари теридаги яллиғланишларга қарши самарали восита ҳисобланади.