15 июнь куни Тошкентдаги Вирусология илмий-текшириш институти клиникасида 9 нафар, Навоий вилоятида 33 нафар, жами 42 нафар бемор соғайди, деб хабар бермоқда ССВ матбуот хизмати.
Вирусология илмий-текшириш институти клиникасида тузалганларнинг 1 нафари эркак, 8 нафари аёл бўлиб, энг каттаси 55 ёшда, энг кичиги 2017 йил туғилган. Ҳудудлар кесимида олинса, соғайган беморларнинг 5 нафари пойтахтлик, 2 нафари Андижон вилояти Пахтаобод туманидан, 1 нафари Қашқадарё вилояти Чироқчи туманидан, яна бир нафари эса Самарқанд вилояти Қўшробод туманидан.
Навоий вилоятидан тузалганларнинг 25 нафари эркак, 8 нафари аёл бўлиб, ёши каттаси 50 ёшда, ёши кичиги 2013 йил туғилган. Ҳудудлар кесимида олинса, 31 нафари вилоятнинг ўзидан, 2 нафари эса Наманган вилоятидан.
Эндиликда Тошкент шаҳридан коронавирус инфекциясидан соғайганлар сони 1939 нафарга етди. Навоий вилоятида эса ушбу кўрсаткич 214 нафарни ташкил қилмоқда.
Бундан аввал Ўзбекистонда коронавирусдан соғайганлар сони 3943 нафарни ташкил этаётганди. Эндиликда улар сони 3985 нафарга етди.
Маълумот учун, 15 июнь соат 10:00 ҳолатига кўра коронавирусга чалинганлар сони 5103 нафарга етди, беморларнинг 19 нафари касаллик асоратлари оқибатида вафот этган.
Изоҳ (0)