Тошкентдаги Versal ресторани аукцион орқали 35,3 миллиард сўмга сотилди. Бу ҳақда Электрон онлайн аукционларни ташкил этиш маркази маълумотларида келтирилган.
auksion" data-action="zoom" class="border lazyload" />
Маълумотларга кўра, 14 дақиқа давом этган аукционда Diamond Drinks Cо. МЧЖ 35,3 миллиард сўм таклиф этиб, ресторанни қўлга киритган. Ресторан кимошди савдосига 34,6 миллиард бошланғич нарх билан сотувга қўйилганди.
Бунга қадар Versal ресторани «Муниципиал активларни бошқариш маркази» ДУКнинг таъсислигидаги «Тантана сервис» МЧЖга тегишли бўлган.
Versal аукционга биринчи марта қўйилаётгани йўқ, 2011 йилда «Алп Жамол банк»ни тугатиш комиссияси ресторанни суд қарори асосида аукционга қўйганди. Ўшанда тўйхонанинг бошланғич нархи тахминан 37,5 миллиард сўм деб белгиланган.
2018 йилда эса Versal ресторани Tashkent City қурилиши сабаб бузилган Ezidyor’га эгалик қилган Grand Duet компаниясига берилиши мумкинлиги ҳақида гап-сўзлар тарқалган. Якунда компанияга Мирзо Улуғбек туманидаги «Саёҳат» ресторани насиб қилди. «Саёҳат» ҳам 2011 йилда «Алп Жамол банк» иши туфайли аукционда савдога қўйилган тўйхоналардан бири.
Изоҳ (0)