Ўзбекистон ҳукумати номидан ва унинг кафолати остида жалб қилинган қарз қолдиғи 2020 йил 1 апрель ҳолатига кўра, 18,2 миллиард доллар ёки ялпи ички маҳсулот (ЯИМ)га нисбатан 31,3 фоизни ташкил этди. Бу ҳақда Молия вазирлиги хабар берди.
Маълумотларга кўра, биринчи чоракда давлат ташқи қарзи 500 миллион АҚШ долларига ёки йил бошига нисбатан 2,9 фоизга ошиб, 1 апрель ҳолатига кўра 16,11 миллиард долларга (ЯИМга нисбатан 27,7 фоизга) етди.
Шундан:
- ҳукумат номидан жалб қилинган ташқи қарз — 10,9 миллиард доллар;
- ҳукумат кафолатлаган ташқи қарз — 5,2 миллиард доллар.
Шундан:
- ҳукумат номидан жалб қилинган ички қарз – 1,7 триллион сўм (0,2 миллиард доллар);
- ҳукумат кафолатлаган ички қарз – 18,3 триллион сўм (1,9 миллиард доллар).
Жаҳон банки ва Халқаро валюта жамғармасининг қарз барқарорлиги таҳлилига кўра, ўзининг иқтисодий салоҳияти бўйича Ўзбекистоннинг давлат қарзига хизмат кўрсатиш салоҳияти кучли ҳисобланади ва ушбу мамлакатларда давлат ташқи қарзи учун меъёр ялпи ички маҳсулотнинг 50 фоизгача ташкил этиши мумкин.
2020 йил биринчи чорагида давлат қарзи қолдиғининг ўсишини шакллантирувчи асосий омиллар:
- Ўзбекистон ҳукумати номидан имзоланган ташқи қарз битимлари доирасида ўзлаштирилган маблағлар қолдиғи 200 миллион АҚШ доллар;
- давлат кафолати остида имзоланган ташқи қарз битимлари доирасида ўзлаштирилган маблағлар қолдиғи 400 миллион АҚШ доллар;
- 700 миллиард сўм миқдорида давлат қимматли қоғозлари чиқарилиши ҳамда 250 миллиард сўмга тенг ички қарздорлик сўндирилиши натижасида давлат қимматли қоғозлари қолдиғи 450 миллиард сўмга ошди.
Изоҳ (0)